Strong loa blong domestik violens

Wan Papa i kol long Kavman blong enforcem ol strong loa blong stopem domestic violence.

Charles Naut, lokol Papa i talem long VBTC Nius se hemia i inkludum fasin blong kim pikinini long woman mo leko hem.

Mr Naut i talem se hemi wan exampol blong plante papa mo man we oli kam long women center blong askem help blong gel blong olgeta.

I no longtaem hemi tekem gel bong hem i kam long center folem isu blong financial violens we hemi stap fesem long dadi blong smol gel blong hem.

“Olsem wan konsen parent, Yumi mas enfosem moa strong loa blong ol woman blong mekem se ol man i kat rispek long ol woman,”Mr Naut i talem.

“Mo ol boy tu i mas kat rispek long ol gel.

“Hemia i no festaem we mi kam long Womans Center from isu blong famili problem ia. Ol woman oli oltaem fesem ol tritmen.”

Mr Charles Naut hemi talem se best solution we hemi stap hemi blong gavman hemi mas tightenem ol laws we i protectem ol women.

Woman Center long pas faev yia, hemi bin luk ova 34,0000 clients, ol client oli kam blong karem infomesen, councelling o ripotem ol isu olsem Domestic violence we namba blem nao i hae. Mo i kat child maintenens, child abuse, sexual harasmen, Incest o fasin blong silip wetem wan famili memba mo ol nara rabis fasin.