TBV
Television Blong Vanuatu
Vanuatu’s nasonal TV broadcaster
Television Blong Vanuatu hem i Nasonal Brodkasta blong Vanuatu and fes television station weh hem i bin stat long 1992.
TBV hem i tekem nius mo ol stori blong mifala i ko long nation. Hem i produsum mo brodkastem nius, current afea, entateinmen program, sports long Vanuatu mo raon long wol.
Tim blong TBV
Joseph Toms
‘Soso’ olsem plante man i kolem hem, hem i funny man blong haus. Hem i wan cameraman mo wok tu olsem wan video edita, produsa, daerekta, draeva mo wan stori tela. Hem i blong aelan blong Tongoa.
Phillip Merika
Philip hem i masta blong camera mo nius prodaksen. Hem i key behaen long ol editing blong ol bigfala television nius bulletin. Hem i gud long wok blong hem. Hem i blong Banks long north blong Vanuatu.
Samuel Nambi
Samuel hem i television graphic expet blong mifala. Hem i wan musician weh hem i gud long lead guitar mo tu long keyboard blong computa blong stap mekem ol gudfala graphics. Hem i blong Tanna Aelan long saot blong Vanuatu.
Willie Nambi
Willie hem i brata blong Samuel mo hem tu i kamaot long aelan blong Tanna. Hem i wan television cameraman. Hem i gat wan strong intres blong wok from welfea blong komuniti blong hem long Etas mo gat konsen long olgeta problem weh i stap happen long komuniti.
Prisca Vire
Prisca hem i wan gudfala video produsa and edita weh plante taem hem i skanem intanet blong faenem ol bigfala storian blong putum long lokol television. Hem i laekem kakae blong hem beh samhao hem i neva put on weight. Hem i blong Ambae.
Terry Thomas
Terry hem i kamaot long vilij blong Eratap aotside long Port Vila. Hem i wok olsem video produsa/edita beh hem i wan gudfala graphic atis mo cameraman.
Jonathan Wellin
Jonathan hem i wan gudfala turis kaed mo hem i joinem mifala olsem wan video edita/produsa. Hem i neva sot long ol idea mo hem i willing oltaem blong givhan long eni kolik weh i nidim sam help. Hem i blong Banks.
(Visited 3280 times, 1 visits today)