Travel faev haoa long bot-Torba-Maewo

Wan famili blong Torba Provins i travel faev haoa long en blong Decemba long wan banana bot blong spendem festive selebresen long Maewo.

Hemi wan history blong Amos Sale blong Ureparapara aelan wetem famili blong hem blong aot long Sola, Vanualava aelan long Banks Group long Decemba 26 mo kasem Maewo long wan 7 mita fiberglass banana bot blong visitim ol famili blong wive blong hem.

Mr Sale i talem se long bifo, ol apu i stap yusum canoe nomo blong sail long ol longfala distens olsem mbe hemi fastaem we oli yusum banana bot.

Famili ia i yusum 250 lita fuel.

Mr Sale i travel wetem wive mo ol pikinini blong hem long bot

“Long 3 O’ klok long eli moning long December 26 mifala i aot long Sola mo statem travel blong mifala; Long 8 O’klok moning mifala i kasem Maewo,” Mr Sale i talemaot.

“Mi putum ap wan plan blong mifala i ko visit; Mifala i lukluk feswan long ol sefti tul long boat olsem GPS, compas, laef jacket, torch laet mo mirror blong flash blong mas kat ol tul ia long bot. Afta mifala i tekem gud kakae mo wota.

Mr Sale i talem se hemi bin kat trening wetem Maritime College.

“Bifo mifala i aot long Sola, mi jekem wan app weta tru long fone; Jekem wind, cloud, ren mo mi jekem height blong swell(wave) blong solwota, ” Mr Sale i talemaot.

“Long ol distens we bambae mifala i travel long hem so mi luk se weta i oraet afta mifala i aot long bot. Bifo mifala i aot long Maewo blong kambak long Vanualava mi mekem semak fasin, mi jekem weta.”

Mr Sale wetem famili blong hem i kasem bak Sola, Vanualava long January 12.