Tri pipol i ded long Tonga tsunami

Acting United Nations Coordinator long Pasific i admitim se tri pipol long Tonga i ded folem sabmarine volcano eruption long Satete.

Radio New Zealand i ripotem se Hunga Tonga-Hunga Haʻapai volcano, we i bin erupt long Satete i stap long 65KM not blong capitol blong Tonga, Nuku’alofa.

Naoia i kat bigfala klin ap operation long town we i bin blanket long tik volcanic dust. I kat ripot blong ol serious damej long West Coast blong Tongatapu mo wan State blong Emergency i bin diklea.

Ministry blong Foreign Affairs mo Trade i konfemem tu ded mbe  Fiji-based United Nations co-ordinator Jonathan Veitch, i talem se i stil kat sam eria we oli no kasem yet.

Tongan Komuniti long Vanuatu i stap kontinu blong wet blong kasem komunikesen seves blong save toktok wetem ol famili.

Jeaman blong Tongan komuniti long Port Vila, Morrison Dansley, i talem se volcanic erapsen long aelan i katem off netwok koneksen.

“Ol jalenj we oli stap fesem naoia, hemi asfol blong volcano we i kavemap plante pat blong aelan ia,” Mr Dansley i talem.

“Sefti isu long akses blong klin wota. Komunikesen i bin daon mbe ol pipol long Tonga i abol blong komuniket insaed long kaontri mbe internationa link we i kat biliv se sabmarine cabol i brok anadanit long solwota we bae i tekem taem blong fix.

“Long tete moning, mi tink se elektrisiti i on long fulap pat blong Tonga.

Mr Dansley hemi talem se oli stap wet mo pray nomo from ol famili blong olgeta.

“We jus askem komuniti blong pray kasem taem yumi kasem olgeta lo Tonga blong save help,” Mr Dansley i talem.

VBTC Nius i traem blong kasem Dipatmen blong Foreign Affairs long weta Kavman bai hemi mekem wan respon abaot situation ia.

Mo Pablik Relation Ofisa blong Kavman, Fred Vurobaravu, hemi statem se kavman bae i mekem wan rispon i no longtaem.

 

 

 

(Visited 349 times, 1 visits today)

About The Author

You might be interested in