Tu bisi eapot long New Zealand i pripea from travel babol

Tu long ol bisi eapot blong New Zealand oli stap mekem ol plan rere from wan intanasonal travel babol sapos we New Zealand Kavman i anaonsem wan.

Radio New Zealand i ripotem se Auckland Eapot bambae hem i dividem operesen blong hem blong save alaoem eni travel we i kam insaed mo ko aot long Cook Islands. Wellington Eapot bae hem i separetem tu ol flaea blong hem.

Travel babol bae i mekem se Auckland mo Wellington Eapot bae i divide i kam tu. Wan bae hem i safe zone blong ol COVID fri travela mo nara wan bae hem i contained zone blong ol pipol we oli kambak long eni ples raon long wol we i gat COVID kes long hem.

New Zealand Aviation Coalition Co-chair, Justin Tighe-Umbers, i talem se nomata we Kavman i no talem stret long ol statemen blong hem, mbe ol eapot ia oli stap mekem fulap wok finis blong redi sapos we kavman i mekem kol blong oli open.

Expat Kiwi Engineer we i live long Fiji, Geoff Cable, hem i talem se plante long ol Pacific Island oli COVID fri mo oli afekted bigwan we naoia oli nokat akses long turis mo specialist blong New Zealand.

Prime Minister Jacinda Ardern hem i no soem eni saen blong kat intanasonal babol yet .

Hem i talem se, eni disisen we bae hem i tekem bae hem i tingting plante wetem kea, abaot sefti blong New Zealand mo Pacific.

(Visited 11 times, 1 visits today)

About The Author

You might be interested in