Tu niu deputy spika blong Palemen

Palemen i elektem tu niu Deputy Spika blong Palemen long seken Ordinary Session blong Palemen tete moning.

Tuketa Deputy Spika ia i karem sapot blong 27 Memba blong Palemen long Kavman mo Opposition saed i vot agensem wetem 21 vot.

Tufala ia i gat fes deputi spika we hemi wan Memba blong Palemen blong Santo rural, Honoroble Joshua Pikioune mo seken Deputy Spika hemi wan Memba blong Palemen blong Efate Rural, Honoroble Pakoa Kaltonga.

Fes Deputy Spika blong Palemen, Honoroble Joshua Pikioune, i tekem ples blong Memba blong Palemen blong Samson Samsen we naoia i minista blong Education mo Training. Seken Spika Honoroble Pakoa Kaltonga i tekem ples long Memba blong Palemen blong Tafea Outer aelan we hemi kam minista blong Lands mo Natural Resource.

Speaker blong Palemen, Honoroble Simeon Seule, i talem se from se tufala deputy spika blong Palemen i jes elek, hemi impoten blong kat propa briefing long risponsibiliti blong tufala.

Mr Seule i talem se hemi wan mas blong oli save ol wok blong olgeta long honoroble haos ia.

Tufala posisen ia i bin empti sins long Fes Odinary session blong Palemen long eli yia ia.