Tu prisina i ronwe-Port Vila

Tu prisina i ronwe long Medium Risk Ex British Correctional Senta long Port Vila long Monday naet.

Director blong Correctional Services, Johnny Marango i talemaot long VBTC Nius long tete.

Mr Marango i talem se Pascal Daniel blong Tanna mo nara wan hemi Simeon Willie Jacob blong Tongoa i kat 24 haoa nomo blong sarenda kwiktaem.

Hemi talem se tufala i karemaot grill bar we hemi roten mo ronwe.

Mr Marango i talem se roten gril bar ia oli no ripotem blong fixim.

“Tufala i bin ronwe araon 10 o’klok olsem long Monday naet,” Mr Marango i talem.

“Pascal Daniel hemi wan remand; Hemi bin stap samples long Tebakor eria behaed long All in One stoa. Mo ol famili blong hem tu i stap raon long eria blong Teouma long Chiko Farm; Simeon Willie Jacob ol famili blong hem i stap raon long eria blong Tongoa Manples. Mi wantem apil long ol famili we oli stap raon long ol eria ia blong sapos yufala i luk olgeta blong plis ripotem kwiktaem long polis blong yumi save karem bak tufala.

“Yu save kolem mifala tu long Dipatmen blong Correctional Service.”

(Visited 1872 times, 1 visits today)

About The Author

You might be interested in