Twenty faev kandidet-Torba Provinsiol eleksen

Twenty faev kandidet blong kontestem 2021 Torba Provincial Eleksen long December.

Jeaman blong Electoral Commission, Edward Kaltamat, i talem se komisen i mit mo agri blong eleksen deit i stil stap long December 7.

Vanuatu Electoral Commission i bin ridim nem blong ol kwalifae kandidet long Monday eli wik ia long Radio Vanuatu mo politikol kampaign i stat tu long yestete.

Mr Kaltamat i talem se folem loa blong eleksen, afta long namba december 5, ol posta blong ol kandidet i mas ko daon mo impoten wan nao ol posta kolosap long wan polling stesen.

Hemi talem se long taem blong polling dei, hemi tabu blong pipol i werem ol t-shirt blong ol kandidet blong ko vot.

Mr Kaltamat i talem se naoia evri poltikol pati we oli kontestem provinsiol eleksen ia oli mas stat kampaign vinis.

VBTC Nius i andastandem se wetem lojistik arenjmen ia, politikol kampein bae i hapen long wan wik nomo mo bae i finis long Monday nekis wik.

Tiusde nekis wik hemi pablik holidei blong Torba blong ol pipol i ko long vot blong jusum ol provinsiol kaonsela blong olgeta.

Politikol kampaign bae i en long long midol naet long December 5.