UN Women Markets for Change Project Manager, Christina Bare Karae, midel long raet, handem ova hydraulic rubbish collection trailer mo ol nara saplae i ko long Luganville Municipal Council Mayor, Peter Patty midel left. Ol memba blong council mo Luganville Market i witnesem. Photo: UN Women Market's for Change Project.

UN i sapotem COVID hygin long Vanuatu market

19/03/2021 4:54 pm

Bigfala storian Nasonal

By Florence Vanua

Ol market vendor long Vanuatu i karem sapot long United Nation blong operate long wan wei we i sapotem COVID-19 hygience mesa.

Olsem pat blong sapot ia, UN Market blong Change projek i kivim ol tool olsem cleaning saplae, fes mask, thermometa, wan hydraulic rabis koleksen trailer mo ol wheli bin, long Luganville Market eli long manis ia.

UN Women Market blong Change Project Manager, Christina Bare Karae i talem se UN COVID-19 Respons mo Recovery Fund i sapotem tinktink ia.

Hemi talem se ol saplae we oli kivim i ko long market hemi rili impoten long taem blong COVID-19 pandemic blong mekem sua se ol maket i no kam ol ples we COVID-19 i spred long hem.

Hemi talem se ol niufala sign blong maket ia bae i expleinem long ol pipol we oli stap yusum market long Luganville hao blng yusum COVID-sef hadwas mo hao blong talem halo o no talem halo long market haos taem mitim ol pipol.

Hydrauclic rabis koleksen trailer ia bae i helpem market blong karemaot doti mo mekem market i kiln-mo ol fes masks bae i minim se oli save yusum mo washem bakeken.

Ol thermometa ia bae oli yusum blong jekem ol market vendor sapos oli kat hae tempereja- we hemi wan long ol saen blong COVID-19.

Olgeta maket long Port Vila mo raon long Efate bae i kasem semak sapot blong UN.

Catherine Leo, Luganville Market Manager, mo Jonathan Iavre, Luganville Municipal Town Clerk, i talem tankiu bigwan long sapot blong Market blong Change projek.

Mr Iavre i kolem ol maket vendor blong kipim market i klin mo mekem yus long niufala saplae mo lukaotem gud olgeta.

“Yumi sud lukaotem ol saplae ia we yumi kasem from oli no foldaon long sky-oli kam tru long wan proses we ol nara pipol i kontribut long mani blong yumi save kat akses long ol materiol ia,” Mr Iavre i talem.

Mr Iavre i anaounsem tu se market blong Luganville bae i jensem tu taem blong operate blong hem long six long moning kasem long fo long aftanun.

UN Market blong Change projek i tekem tuketa ol kavman; market vendor mo ol association; civil society organization mo nara UN agency long Fiji, Solomon Islands mo Vanuatu.

Program ia i sapotem strength economic blong ol woman market vendor mo hemi implemen tru long UN women wetem patnaship blong UN Development Programme mo Kavman blong Australia, Canada mo New Zealand.

(Visited 102 times, 1 visits today)

market