Vaccine rolaot long fo provins

Rolaot blong COVID vaccine long  nara fo provins bae i hapen long en blong Septemba mo Octoba.

Director blong Public Health long Health Ministry, Len Tarivonda, i konfemem.

Mr Tarivonda i talem long Tafea bambae oli rolem aot vaccine long wik blong 27 septemba.

“Yumi kat plan vinis blong ol deit blong rolem aot vaccine long ol fo provins ia,”Mr Tarivonda i talem.

“Afta long Tafea, Malampa provins hemi neks we bae yumi rolem aot COVID vaccine long 4 octoba.

Mr Tarivonda i talem se Penama provins hemi long 11 octoba.

Mo Torba provins long 18 octoba.

Mr Tarivonda i talem se target population we Ministry blong Helt i wandem targetem long roll out blong vaccine long Tafea provins hemi ova long 23,000 pipol.

I no longtaem i pas, Ministry blong Health i bin invaetem ol helt ofisiol long Torba, Penama, Malampa mo Tafea blong ko tru long wan wokshop blong finalisem wan micro plan mo budget blong olgeta bifo rolaot i tekem ples.

Director Tarivonda i talem se wokshop ia i tekem tu olgeta long Shefa mo Sanma provins from nomata we rolaot i gohed finis mbe i stil gat sam budget caps we oli nid blong adresem.

Hemi talem se tim i bin kam ap wetem ol gud detail plan mo budget mo presentem plan ia long ol develop patna we oli soem interes long financiol sapot

Mr Tarivonda i talem se taem budget ia bae Director General blong Ministry blong Health, Russel Tamata bae i presentem long Council blong ol Minista miting long Ambae long wik ia blong kavman i lukluk long hem.

 

 

(Visited 109 times, 1 visits today)

About The Author

You might be interested in