Vanuatu blong graduate i ko long developing kaontri kategri

Vanuatu bae hemi graduate aot long least develop kaontri kategri long United Nations i ko long developing kaontri kategri long December.

Prime Minister blong Vanuatu Bob Loughman i mekem anaonsmen ia long taem blong 40 yia Independence selebresen long Independence Park, Port Vila mo talem se graduation bae i stap long namba 4 December 2020.

“Graduation ia bae i soem long ful wol se yumi kat potential blong save advans I ko moa long wok blong yumi,” Prime Minister Loughman i talem.

“Long wei ia yumi save acheivem ol developmen goal mo vision we yumi putum blong Vanuatu 2030 we hemi plan blong pipol blong Vanuatu.

“Ol gudfala citizen, mi believe se graduation blong Vanuatu long yia ia afta long 40 yia i semak long hem ia we long olketa line blong Israel oli bin pas tru long dry ples blong forty yia.”

Prime Minister Loughman i talem hemi wan positive saen from Vanuatu i stap progress olsem wan independent nation.

Hemi talem se taem yumi tokbaot Agriculture, yumi tokbaot graon.

“Taem yu komperem spes blong graon we yu stap long hem mo eria long outsaed long solwota, yumi kat plante eria outsaed long solwota mo kavman i nid blong lukluk wanem nao bes wei blong save kaltivatem solwora,” Prime Minister Loughman i talem.

“Namba tu, kavman bae i kriatem wan Ministry blong Fisheries, Ocean mo Maritime.

“Yumi wantem designem industry blong shipping sekta blong promotem transpotation blong ol goods mo ol pipol i ko long wan aelan i ko long narafala aelan.”

Vanuatu i bin stap olsem wan least develop kaontri sins long 1994.

Long taem ia hemi bin exceedem gross national income mo human capital threshold.

Blong wan kaontri hemi ko long develop list, komiti blong developmen polisi long United Nations oli lukluk ol eria olsem, Gross Domestic Product, human asset olsem health, education mo economic vulnerability blong wan kaontri.

Vanuatu i sud graduate vinis long 2015, mbe from impak bong Saeklon Pam mekem se oli muvum i ko long en blong yia ia.

 

(Visited 24 times, 1 visits today)

About The Author

You might be interested in