Vanuatu Football Federation i klad long Komet wokshop

Vanuatu Football Federation emi kontinu blong upskilim olgeta membas blong em aot long olgeta Provins blong Vanuatu.

VBTC spot i toktok wetem Bong Shem, Vanuatu Futbol Federation Program Manaja mo i talem se woksop ia, Komet, emi wan system we fulap konfederesen raon long wol oli stap usum blong ranem olgeta kompetisen blong olgeta.

Mr Shem i talem se emi wan system we i usum internet mo bai i help blong olgeta administreita i save mekem ol rating mo semtaem rijistarem ol pleia we oli kamaot long diferen provins inside long kaontri.

“Long eni tunamen we bai Federation i ranem, mifala i kat olgeta ia blong uploadem ol nem blong olgeta pleia we bai oli kam inside long kompetisen we bae i ran.” hemi talem.

Vanuatu Football Federation i tekem tugeta sam olgeta aid administrata blong eit memba association stat long Torres kasem Tafea Provins blong pat long wokshop ia we emi tekem ples long Futbol Academy emia long Port Vila.

“Komet emi wan samting we emi kipim ol data blong Vanuatu Football Federation long saed blong kompetisen, Referees,Kojes mo ol Club.” emi toktok blong Mr Shem.

Mr Bong emi kontinu blong talem se wetem woksop ia bai emi help benefitim olgeta memba association mo tu federasen long fuja taem.

(Visited 26 times, 1 visits today)

About The Author

You might be interested in