Vanuatu blong selebratem 40 yia independence anivesari

Vanuatu bae i selebratem 40 yia aniversari independence wetem pride, honor mo hop olsem wan nation.

Hemi toktok blong Praem Minista, Bob Loughman long fes ordinary sitting blong Palamen long wik ia ”Nomata long COVID -19, Vanuatu bae i selebratem dei ia mo selebresen bae i stap long everi aelan blong yumi.”

“Mo long everi aria kaonsel,” hemi talem.

“Hemi taem blong yumi selebratem olketa developmen ajivmen mo jalens we yumi ko tru long hem sins 1980 i kam kasem tete.”

Long sem taem, komiti blong 40 yia aniversari tugeta wetem Port Vila Municipal i mekem wan kwik kol blong olketa bisnis mo praevet haos raon long Port Vila mo tu raon long kaontri blong mekem klin ap.

Nasonal kodineita blong 40 yia independence aniversari, Fred Samuel i talem se kaontri i majua nao mo ol man i sud tekem responsibiliti blong stap klin ap oltaem.

Peter Sakita, Town klak blong Port Vila Municipal i talem se oli wok tugeta wetem independens komiti blong putum aot notis long ol bisnis haos blong mekem klin ap.

Hemi talem se “Mifala tu i pat long 40 yia aniversari mo mesej i ko long ol komuniti blong paintem ol bilding, ol lokol oli katem grass mo kilim yard.”

Kodinata blong Independence Komiti, Mr Samuel i stresem se “Strik COVID -19 rul bae i aplae long everi ples we selebresen i stap long hem long kaontri.”

“Bae i kat ol baket blong wan wan man i mas pratisim han washing long hem.

“Social distancing bae hemi wan jalens blong adresem mbe i depen plante nao long olketa man blong aplaem.”

(Visited 476 times, 1 visits today)

About The Author

You might be interested in