VBTC i kasem sapot long New Zealand

Vanuatu Broadcasting mo Television Corporation i risivim sam broadcasting tul blong help long futja live broadcast.

Ol tul ia Pasifika TV tru long New Zealand High Commissioner, Johnathan Schwass nao i handem ova i ko long VBTC long en blong Novemba.

Maloni Albert, Diversity mo Inclusion Ofisa blong Vanuatu Broadcasting mo Television Corporation, i talem tankio long Kavman blong New Zealand Kavman mo ol pipol blong hem from ol broadcasting tul ia.

Mrs Albert i talem se hemi sam long ol tul we VBTC hemi rili nidim blong yusum long taem blong live broadcast outside long Port Vila or even ol narafala island.

Hemi sam long ol equipmen we VBTC hemi reli nidim blong usem long taem blong live broadcast aotsaed long Port Vila o even ol narafala aelan.

Mrs Albert i talem se ol equipmen ia bae i helpem VBTC blong save createm moa lokol content blong hem.

Long semtaem, High commissioner blong New Zealand long Vanuatu, Johnathan Schwass, i talem se New Zealand i hapi blong sapotem VBTC wetem ol content blong hem.

“Pasifika TV hemi plan blong rolem aot technology ia long ol eight pacific aelan kaontri long ol manis we i kam, hemi wan milestone long pacific broadcasting from alaoem opotuniti, akses mo konektiviti long olgeta niusrum long pacifik,”Mr Schwass i talem.

“Mi biliv se ol equipmen ia bai i helpem bikwan VBTC wetem ol program blong hem.”

 

(Visited 85 times, 1 visits today)

About The Author

You might be interested in