Human trafficking viktim i askem wan visa

Wan viktim blong fes human trafficking kes long Vanuatu i askem wan visa from laef blong hem i stap long risk sapos hemi kobak long Bangladesh.

Moshahed Miah i wari afta we pipol we i mekem nogud blong hem oli ko insaed kalapus finis.

Long wan interview wetem VBTC Nius long wik ia, Mr Miah i talem se hemi nosave kobak long hom kaontri blong hem.

“Laef blong mi i stap long bigfala risk from olgeta associate blong human traficker long Bangladesh sapos mi kobak bai oli no save letem mi, mi live,” Mr Miah i talemaot.

Miah hemi kol from help long Vanuatu, New Zealand mo Australia blong grantem wan visa.

Hemi mekem kol ia from boda blong kaontri bai i open mo visa blong hem bae i expae.

“Mi stap rikwestem New Zealand mo Australia gavman sapos oli save grantem mi eni wok o VISA blong helpem mi wetem ol family blong mi, blong mifala isave kat wan sef life.”

Vanuatu Immigration Services Director, Jeffery Markson i talem se oli bin givim wan advaes be Mr Miah i no folem.

“Naoia we istap bai mifala i kat wan miting wetem Ofis blong Attorney General mo afta long miting ia bai mifala i kat clarity long wan visa o neks step we bai mifala i tekem, ” Mr Markson i talem.

Mr Miah hemi talem tu seh sapos hemi no save liv long Vanuatu beh hemi askem sapos nara pasifik countri isave akseptem hem blong liv mo wok long nara countri.

Supreme Court blong Vanuatu i sendem fo man Bangladesh i ko long kalapus long manis ia afta long 4 yia we oli fesem jaj blong Human Trafficking mo kidnapping.

 

 

(Visited 1207 times, 1 visits today)

About The Author

You might be interested in