Virgin Airline flaet-March

Virgin Airline Australia bae i statem bak seves blong hem i kam long Vanuatu long March afta long 3 yia.

Chief Executive Ofisa blong Vanuatu Tourism Ofis, Adela Aru i talem se kambak blong airline ia i putum bak konfidens long airline blong kaontri.

Virgin Australia bae i statem bak ol international flaet blong hem kam long kaontri stat long March 10 long yia ia.

Long 1 wik bae Virgin Airline i mekem wan wikli direk flaet wikli long Brisbane kasem Port Vila long Monday, Wednesday, Friday, Saturday mo Sunday mo i save tekem 176 pasenja.

“Virgin bae i statem ol flaet blong hem long ol 5 dei ya stat long 10 o’klok long moning i kasem Port Vila, mo long 3:10 long aftenun i leko Port Vila mo long 5pm i kasem Brisbane long Australia,” Marketing Manager blong Tourism, Paul Pio i talem long VBTC Nius i talem.

Mr Pio i talem se i nogat eni direk flaet blong Virgin Airline i ko long Santo yet.

“Sori tumas naoia i nokat eni direk flaet blong Brisbane mo Santo olsem we yumi bin stap kat mbe mifala long Vanuatu Tourism ofis i stap wok klosap wetm Air Vanuatu, Airports Vanuatu mo ol nata airline patna we oli stap luk fowod blong kam long Vanuatu, mifala stap wok tugeta blong developem niu route i kam long kaontri. Hemia hemi ol key element we mifala sta wok lem blong mifala i wok tuwod turism rikavari,” Mr Pio i talem aot.

Mrs Aru i talem se fokas blong turism bisnis naoia hemi blong provaedem wan gudfala seves i ko long ol international travela i kam long Vanuatu.

By Patience Mawa.