VT3 billion blong Luganville wota fix

World Bank bae i givim mani VT3 billion blong fixim Luganville Water Supply.

Commissioner blong Luganville Municipal Council, John Botleng i konfemem long VBTC Nius i no longtaem.

“Jalenj blong wota hemi wan longtaem isu from fulap long ol system we oli stap inples oli olfala; Sam oli 40 kasem 50 yia vinis,” Mr Botleng i talemaot.

“Hemi mekem se water saplae hemi no stap long standard. Mbe yumi talem tankiu long kavman blong tekem tinktink ia tru Department blong Strategic Policy, Planning and Aid Coordination (DSPPAC) from hemi wan bigfala projek. Fulap bidling i stap bild mo presa blong wota i stap ko i no enaf blong akomodeit.”

Mr Botleng i talem se ol wota cut ia hemi from wota system ia blong longtaem vinis.

“Taem projek i vinis, niu mein wota splae i stap bae hemi wan bigfala jens, bae i nomo kat wota kat mo i kat sef mo klin wota,” Mr Botleng i talem.

World Bank bambae i wok tugeta naoia wetem Dipatmen blong Water Resources blong adresem.

Visibility study blong projek ia oli mekem vinis wan yia, mo long yia ia hemi phase 2.

(Visited 175 times, 1 visits today)

About The Author

You might be interested in