Wan grant mani blong sapotem Vanuatu from COVID-19

Kavman blong Vanuatu i saenem wan grant amaon blong VT 167 million 700 taosen wetem Asian Development Bank blong sapotem Vanuatu long respons blong hem long COVID-19 pandemic.

Minister blong Finance mo Economic Management, Johnny Koanapo, mo Governor blong Asian Development Bank i saenem agrimen blong grant ia.

Minister Koanapo i talem se sapot blong Asian Developmen Bank i kam long wan stret taem, taem we Vanuatu i fesem jalens long Saeklon Harold mo COVID-19.

Lotte Schou-Zibell, Regional Director long Sydney Asian Developmen Bank ofis, i talem se taem Vanuatu i stap olsem wan kaontri we i fri yet long sik Coronavirus, ol kes blong Coronavirus long nara pasifik kaontri i kohed blong ko andap.

Hemi talem se grant ia bae i alaoem Vanuatu blong i strentenem abiliti blong hem, blong stopem sik ia i ko insaed long Vanuatu.

Minister Koanapo mo Minister blong Health, Silas Bule, i talem se Kavman blong Vanuatu i aprisietem bikwan sapot blong Asian Development Bank mo oli luk fowod long moa sapot long fiuja taem i kat nid.

 

 

(Visited 38 times, 1 visits today)

About The Author

You might be interested in