Wan man i lusum laef long nakaimas miting-Tanna

Wan man i ded mo tu i kasem kil long Laul vilij, Central Tanna folem wan faet we i brokaot long miting abaot nakaimas o black magic long Thursday wik ia.

Polis i ripotem se viktim ia hemi ded long Lenakel Hospital long tete.

Polis long Tanna i arrestem five saspek long insiden ia.

Wan Reliable Sos long Central Tanna i talem long VBTC Nius long tete i kat sam sam serious alekesen toktok abaot posen.

“Ol man we oli sta faet ya oli kilim ol tri man ya, mo oli kilim nogut tu wetem wud i brok mo oli katem nogud wan wetem knife,” Sos i talem.

“Wan i ded mo tu i kasem kil mo oli stap long hospital naoia.”

“Komuniti i singaotem wan miting we evri jif mo pipol blong hem long Central Tanna blong oli toktok mo serem tinktink blong unity blong oli liv tugeta be taem mi kolo miting mi luk oli nomo tokbaot topik ia be posen,” Sos ia i talem.

“Ol man we oli faet ya oli faet long ol rong toktok blong rod nomo.”

Hem i talem se insaet long nakamal ol jif wetem ol pipol blem i fas mo evri man oli kros.

“Mi askem long ol pipol ia blong kontrolm fasin ia bifo sam mo man i ded. Pipol oli lusum trast long ol jif mo long problem yumi ron from olgeta ia nao,” Sos ia i talemaot.

“Naoia vilij i mas kam long wan tinktink blong sitaon mo draftem wan by-law long ol eria kaonsel long Tanna blong protektem pipol long taem blong wan miting.”

Polis i stap askem tufala pati i stap kwaet mo letem olgeta i mekem wok blong olgeta folem loa.

by trainee journalist, Patience Mawa.

 

 

 

 

 

(Visited 1090 times, 1 visits today)

About The Author

You might be interested in