Wan moa seasonal wokman i ded

Wan Ni-Vanuatu seasonal wokman blong Recognised Seasonal Employer Scheme long New Zealand i ded long wik ia.

Commissioner blong Labour Dipatemen, Murielle Metsan Meltenoven i talem se hemi namba tri ded blong wan seasonal wokman long New Zealand.

Mrs Meltenoven i konfem se seasonal wokman ia i lusum laef from wan stroke we i lid long wan blood clot long brain blong hem.

“Yumi no karem stret yet Corona ripot long blong faenem wanem nao hemi kos blong blood clot ia,” Mrs Meltenoven i talem.

Labour Dipatmen i talem se hemi stap long leit 30’s ronem eli 40 yia.

“Hemia hemi infomesen we yumi karem long paspot mo hemi wan riten seasonal wokman we i minim se hemi bin stap pat long program long ol pas yia vinis,”Mrs Meltenoven i talem.

“Long yumi hemi wan loss long program mo mi wantem serem sori i ko long ol famili.

“Ofis blong mi bae i mekem evri posibol wei blong karem bak bodi blong hem i kambak sef.”

Vanuatu High Commissioner long New Zealand long Wellington mo Consul General long Auckland bae i help blong ripatriatem ded bodi ia i kambak long Vanuatu.

 

(Visited 40 times, 7 visits today)

About The Author

You might be interested in