Wan Ni-Vanuatu seasonal wokman i ded

Wan Recognised Seasonal Employer woka blong Vanuatu i lusum laef blong hem long New Zealand long wik ia.

Commissioner blong Labour, Murielle Metsan Meltenoven i talem se  hemi leit Kenneth Worwor, we i kat 42 yia mo hemi lusum laef blong hem long Blenheim, yestete morning.

Hemi talem se ripot we i kasem Ofis blong Labour i talem se Recognised Seasonal Employer wokman ia hemi ded long wan najurol ded.

“ Yumi no kasem stret informasen yet o wan medikol ripot blong konfemem se cos blong ded blong hem hemi wanem,” Mrs Meltenoven i talem.

“Mo mifala stap kontinu blong wok wetem employer blong hem blong faenem aot ol informasen ia.

“Leit Kenneth hemi bin stap wok long fes session mo hemi bin ko long New Zealand long February yia ia mo wok anda long Vine Power kampani.”

Commissioner blong Labour i talem se bifo leit Kenneth i lusum laef blong hem, employer blong hem i bin toktok wetem olgeta about repatriation leit long Wednesday afternoon mo long earli morning long Thursday hemi lus.

Mrs Meltenoven i talem se seasonal wokman ia i bin toktok wetem agent blong hem blong save abaot wok blong hem, mo agent ia i talem se hemi no bin luk any saen blong sik long hem.

Hemi talem se Ofis blong Labour i stap wok wetem Foreign Mission blong Vanuatu long New Zealand blong arenjem ol medikol ripot bifo oli save flaem ded bodi blong hem i kambak long kaontri.

(Visited 73 times, 1 visits today)

About The Author

You might be interested in