Wan niu prisen haos blong ol woman

Niufala Correctional centre blong ol woman long Port Vila i open.

Minister blong Justice, Esmon Simon, i talem se hemi fes eva niu correctional facility blong Republic blong Vanuatu long Port Vila sins 1980.

Minister Simon i talem se, July 2020 hemi wan spesel taem from kaontri bambae i selebretem 40 yia blong hem.

Hemi talem se niufala correctional facility ya i kat rum blong save karem 16 woman prisina mo i kat wan bigfala spes behaed olsem wan playing ground blong ol pikinini blong olgeta prisina ia.

“Long 2017 kavman i bin openem wan niufala correctional centre long Santo,” Minister Simon i talem.

“Niufala correctional centre ia, kavman blong Australia mo New Zealand i sapotem.”

Niufala correctional centre ia i stap klosap long low risk correctional centre blong ol man long Stat area long Port Vila.

Afta long olgeta toktok, i kat 10 prisina i presentem wan singsing blong olgeta bifo wan kastom danis blong ol woman Tanna i lidim Deputy Prime minister Alatoi Ismael Kalsakau, wetem Minister blong Justice mo High Commissioner blong Australia, Sarah de Zoeten mo High Commissioner blong New Zealand,Jonathan Schwass wetem ol guest i ko blong openem correctional centre ya.

Ol official i kat time blong save ko mo lukluk insaet long prison haos ia.

 

(Visited 12 times, 1 visits today)

You might be interested in