Wan Ni-Vanuatu Seasonal Wokman i minim blong tekem aot laef blong hem-wan long Wednesday afternoon long Australia.
Commissioner blong Labour, Murielle Metsan Meltenoven, i konfemem se leit Risco Ngwele, Polis long Mareeba town long Queensland i faenem bodi blong hem long 4;15 yestete aftanun.
Commissioner Meltenoven i talem se ofis blong hem i risvim wan ripot finis long ded blong seasonal wokman ia we i pat long Seasonal Workers Program scheme long Queensland polis.
Hemi talem se Queensland Polis i ripotem tru long High Commissioner blong Vanuatu long Canberra se wokman ia i bin hangem nek blong hem.
Mrs Meltenovenoven i talem se i gat alegation se viktim ia i fesem sam sosol isu wetem patna blong hem long Vanuatu.
Leit Risco Ngwele i bin joinem seasonal workers program long las yia long wan nine manis kondrak.
Mrs Meltenoven i talem se Labour Ofis i serem sori blong hem wetem mama blong seasonal woka ia wetem patna mo ol pikinini blong hem.
Proses i stap ko hed naoia blong arenjmen bodi blong leit Ngwele i kambak long Vanuatu.
Mbe Labour Ofis i talem se hemia bai i tekem taem blong oli save arenjem wan flaet blong wokman ia.
Leit Risco Ngwele i blong Port Olry/Ambae.