Wan woman i lusum laef

Polis i arestem wan man long Blacksand, Port Vila, folem ded blong wan mama long eli moning tete.

Polis i konfem se saspek ia hemi wan prisoner we i stap long bail.

Tufala ia i wan couple mo tufala i kat wan tu manis bebe.

Ol neigbour long eria ia i talem se hemi i no festaem we man blong hem i killim hem, longtaem we women ia i kat bel yet hemi faetem nogud women blem tu taem. Mbe tete faet blong tufala i lid i ko long ded blong woman ia.

Ol neigbour long rent haos we tufala i liv long hem oli sherem stori blong olgeta.

“Mifala evri wan i silip hemi araon haf pas wan long moning taem mifala i harem wan noise long neks haos we woman i talem se yu no tajem mi,”Mr NicksonWorek i talem.

“Afta long hem ia, mifala i harem nomo wan sound we i faerap fo taem.Taem mifala i kam aotsaed mbe luk woman ia i foldaon i stap.

“Mbe man blong hem i ronwe, afta mi kolem promedic blong kam.”

Bebe blong women ia i stap long hand blong ol famili wael police i stap mekem investigation.

VBTC Nius hemi kasem infomesen se saspek we i stap long hand blong polis hemi stap long bail from we hemi i bin killim woman blong hem mo oli arestem hem long August yia.

Correctional Services hemi no rispon yet long moa ditel blong foma prisiona ia.

Wan mama long eria ia i enkarejem ol couple blong no yusum violens taem i kat rao long hom.

Forensic Dipatmen long Police hemi stap long site tete moning blong karem ol evidens akesen man ia.

(Visited 6703 times, 1 visits today)

About The Author

You might be interested in