Wash survey long Not Ambrym

Wan tim blong Adventist Development Relief Agency wetem Public health i mekem wan wash survey long 48 haos long wik ia long Not Ambrym.

Environmental Health mo Wash in Health Technical ofisa long Malampa Public Health, Xavier Watt, i talem se Kobo baseline survey ia, i blong faenem ol jalenj blong Water sanitation mo hygiene we ol difren grup blong ol pipol olsem pipol wetem spesel nid, ol widow, ol man, ol woman mo ol olfala blong oli save helpem olgeta bildim ol sanitation mo hygiene standard we i stret mo i isi blong oli save kat akses long hem.

Hemi talem se i gat tri sanitation ofisa blong trenem ol memba blong komuniti blong bildim ol toilet mo hand washing station.

“Ol trifala eria council we tim bae i wok long hem hemi, Lolihor, Lonali mo Wawan eria council,” Mr Watt i talem.

“Projek ia hemi pat blong recovery proses blong Saeklon Harold we i bin strikem nogud mo afektem bigwan aria blong North Ambrym.”

Pastor Thomas Belten, Project Coordinator blong Adventist Development Relief Agency, i talem se projek ia i sud kik of long next manis mo hemi blong bildim wan toilet blong wan household.

“I kat wan total blong 870 toilet mo 870 hand washing long ful Not Ambrym,” Mr Belten i talem.

Long tete i gat bigfala miting mo consulation wetem evri jif chief blong olgeta 43 vilij long North Ambrym blong save kamap wetem sam akrimen blong hao blong wok tuketa mo komplitim sanitation projek ia.

Mr Watt i talem se Ministry blong Health i bin lonjem sanitation mo hygiene standard guideline ia long December 2019 wetem pepes blong evri sanitation mo hygiene projek i mas folem standard.

“Hemi wan tri manis projek mo afta long survey ia bae ol projek material i kam long March blong wok i ko hed,” hemi talem.