Wok blong impruvum electoral roll

Electoral Ofis i nidim plante wok blong stretem electorol roll.

Gary Tavoa long Ofis blong Election i admitim long VBTC Nius se i gat plante nem blong kliarem long roll we i stap naoia.

Mr Tavoa i talem se oli kasem fulap komplen.

Hemi talem se samtaem pipol i no honest blong talem aot long Election ofis taem famili i ded o oli muv i ko long nara ples.

“I kat fulap ded man yet long roll we yumi nid blong karemaot olgeta,” Mr Tavoa i talemaot.

“Fulap man oli nomo liv long Vanuatu, oli ko liv ovasi be oli stil stap long electoral roll.

Mr Tavoa i talem se i gat ol law tu we i mekem se oli no save stretem vota list.

“Yumi nosave karemaot nem blong wan ded man kasem i kat wan ofisiol diklaresen blong talem se hemi ded,” Mr Tavoa i talem.

Ol samting ia i mekem se vota list i kat wan hae nmba we i stap be taem yumi tinktink i nidim plante wok long hem.”

Plante pipol oli bin nosave vot long ol national ID mo sam ol nem i stap long difren polling station.

 

(Visited 28 times, 1 visits today)

About The Author

You might be interested in