Woman cricket pleia blong plei long Dubai

Wan Vanuatu Woman Nasenol Cricket pleia i selek blong plei long 2022 cricket event long May hemia long Dubai, Middle East.

Seleksen blong Selina Solman i tru long patisipesen blong hem long FairBreak global long United Kingdom long yia 2016.

Ms Solman i stap olsem captain blong Holiday Inn Resort Vanuatu woman cricket.

Hemi talem se hemi glad tumas from hemi kat hona blong ripresentem Vanuatu long Dubai.

“Mi fotuneit blong pat long kompetisen ia from mi kat janis blong plei wetem best cricket pleia raon long wol,”Ms Solman i talem.

“Mi stap luk fowod long kompetisen ia nomata mi fraet smol mbe mi glad tumas blong pat long event we i stap kam.

Event long Dubai bambae i tekem ples long manis May blong tu wik taem.

Ova 30 kaontri bai oli ko tugeta blong pleim spot ia cricket.

 

 

(Visited 31 times, 1 visits today)

About The Author

You might be interested in