Woman i mas ko long Palemen

Woman Council i wantem luk ol woman i ko insaed long Palemen.

Chief Executive Ofisa blong Vanuatu National Woman Council, Leias Cullwick i talem toktok ia long Press Klab long wik ia.

“13 Legislature ia mifala i wantem luk se i mas kat positiv jens from ol woman i mekem bigfala wok vinis blong sapotem Independens kam kasem tete we yumi stap long hem; Yumi luk capabiliti blong ol woman tru long education, health mo ol difren wok we oli holem,” Mrs Cullwick i talem.

“Long sports, mi glad tumas blong talem se tri manis trening blong ol woman long China oli ko kambak wetem gold. So hemi wan bigfala developmen vinis we woman i mekem.”

“Genesis chapter 1 verse 26-28; God i kriatem man mo woman long likenes blong Hem. Mo hemi komandem tufala blong lukaotem ol creation blong hem long solwota mo long graon.

Lokol, Apu Chris i talem se i mas kat gender long red roof.

Hemi talem se moa woman i sud kontest blong jensem fasin we i stap.

“Be from women Vanuatu oli no unite, hemia nao long pas taem oli kontes ol man i no votem olgeta be yumi wantem luk jens,” Apu Chris i talem.

National Council blong ol Woman i bon long May 15, 1980.

“Hemi bon blong sapotem ol papa blong talem se New Hebrides i mas kam wan independent nation. Mo yia ia mifala i selebretem 42 yia blong council,” Mrs Cullwick i talemaot.

“Long taem yumi statem wokbaot blong politik, representativ asembly we i kat 30 memba insaed i kat wan woman. Palemen long 1980 kasem 2008, yumi kat six woman oli bin ko insaed. Be unfortunately sadly blong talem 24 yia kam kasem naoia i nogat woman.”

Wan yut we i no wantem talemaot nem blong hem i kamaot i talem se hemi vote koko hemi taet from i no luk eni niu developmen.

“Yumi traem blong vote from ol woman o ol niu fes blong mekem jens,” Hemi talem.

“Yumi pray from en blong dei yumi nao i jusum olgeta.”

I kat seven woman i kontest long Snap eleksen ia.

207 kandideit oli stap mekem campaign naoia, hemia hemi inkludum list we electoral ofis i diklerem afta long 72 haoa blong fes list.

Ol toktok ia hemi kamaot long Pres Klab Vanuatu long Thursday long topik blong Hao Nao 13th Lejisleja i save help sapotem yut mo woman blong oli kam antap mo patisipet long ol disisen making.

(Visited 90 times, 1 visits today)

About The Author

You might be interested in