Woman long Force-Polis awod naet

Vanuatu Polis Force awod naet hemi luksave ol woman insaed long fos long ol wok we oli stap mekem.

Insaed long wan total blong 19 ofisa we oli risivim ol awod long event ia, 11 hemi ol woman.

Vanuatu Polis Fos women advisory network hemi organisem wan fes eva awod naet, we i stanap long tingting se, gender hemi no talemaot ability blong sevem nation..

Ol awod ia hemi kamaot long ol difren eria olsem service mo gud kondak, courage mo bravery, Most outstanding investigator, most outstanding administrator, community policing, excellent law enforcement, intergrity mo commissioner special award.

Memba blong Palemen mo semtaem namba tri Spika blong Palemen, Gloria Julia Kings hemi enkarejem man mo woman blong wok tugeta blong sevem nation ia mo no luk daon long narafala.

Hemi talem tu se hemi believe strong se tru long man we i stanap behaen blong helpem patna blong hem, bae sevis we hemi provaedem bae gat wan gudfala aotkam.

Corporal Noeline Manu hemi karem most aotstanding investiketa awod. Hemi bin wok long investigation blong assault blong Peter Walker, hemia long 2019. tru long hem, 4 pipol oli bin arrestem olgeta from assault ia.

Corporal Lollyn Tete, hemi wok eight yia long Vanuatu Polis fos mo hemi karem awod blong Courage mo bravery. Long wok blong hem, hemi savem wan victim blong domestic violence mo hemi fes woman ofisa we wan ofenda i bin traem blong atakem hem wetem masket.

Recognition ya oli extendem tu i ko long Dr Crystal Garae, we hemi karem wan spesel awod. Hemi dokta we i stap wok kolosap wetem Vanuatu Polis Force long Forensic Unit blong kondaktem ol autopsy.

I gat plante moa ofisa we oli karem award long naet ia from gudfala wok we oli stap mekem blong nation.

Vanuatu Polis Force Commissioner i talem se awod naet ia bae hemi stap kontinu long ol yia we i stap kam.

Hemi talem tu se event ia bae hemi motivatem mo empowerem ol ofisa blong perfom oltaem wetem integriti blong sevem kaontri.

by Agnes Herbert.

 

 

(Visited 385 times, 1 visits today)

About The Author

You might be interested in