Woning long misuse blong Kavman trak

Woning i ko long eniwan we i stap draevem ol Kavman trak blong no misuse o bae oli discipline.

Jeaman blong Public Service Commission, Simil Johnson, i givim woning ia tete long National TV.

Mr Johnson i talem se sam pipol i saspen from misuse blong ol kavman trak.

“Long saed blong yumi we i stap draevem ol vehicle blong kavman, Public service commission hemi mekem disisen blong hem tete blong yusum wisely mo long pepes,” Mr Johnson i talemaot.

“Plante vehicle i stap ron long rod we commission hemi no tink se oli stap complae wetem ol form we oli stap fulum ap blong oli mekem ol wok.

“Mi wantem infomem yumi tu se i kat sam discipline tu i stap ko from misuse blong ol vehicle we commission i mekem disisen long hem long tete.  I kat sam pipol oli stap draevem ol trak long own pepes mo commission hemi mekem sam disisen tete blong saspendem sam long ol draeva ia.”

Mr Johnson i askem ol wokman blong kavman blong wok tugeta long taem blong COVID.

(Visited 759 times, 1 visits today)

About The Author

You might be interested in