Yumi Nao Star scheme i illegol

I kat strong kol blong Yumi Nao star Ponzi scheme i stopem ol operation blong hem from i no folem loa.

Ol otoriti i notem se owna blong Bless to be Blessed scheme oli bin rijisterem wan niufala bisnis nem we hemi Yumi Nao Star.

Be according long olgeta operation blong hem i semak mo hemi wan Ponzi scheme o hemi wan type blong investmen scam we ol investa i promisem wan bigfala mani long ol kastoma taem oli invest.

Vanuatu Fiancial Intelligent Unit Director, Floyd Mera, i talem se owna Ian mo Jenny David oli sud stopem evri operation blong tufala, hemi from folem loa oli mas rigista bifo niu bisnis nem ia Yumi Nao Star i save operate,” Mr Mera i talem.

“Mifala i no apruvum any rijistresen blong Yumi Nao star Limited mo bisnis ia hemi sud wet kasem we mifala i provum registration blong hem.

I nogat instraksen hemi ko daon yet blong closem down Yumi Nao Star no mata se operation blong hem i no folem loa.

“Yumi mas wonem ol pipol abaot ol kaen operation olsem blong pipol oli keaful taem oli yusum ol kaen scheme olsem,” Mr Mera i talem.

“Bifo we wan man i wantem invest hemi mas mekem sua se i kat wan writen agrimen o kontrak we i talem se entiti i kat obligation blong kim bak mani blong you sapos we oli no save kivim wan riten long yu folem ol reit we oli kat.”

Mr Mera i notem tu se i kat wan police investigation i stap ko hed from Bless to be Bless operation, we i lukim Reserve Bank blong Vanuatu hemi kat risen blong bilif se afta we oli bin putum instraksen blong oli klosem scheme ia long July, ol owna oli no bin listen mo oli kontinu blong kivim aot mani.

VBTC Nius hemi traem blong karem apdeit long Polis mbe kasem tete i nogat any rispon long investigation ia.

Wan reliable sos i talem se i kat dilei long investigation mo Reserve Bank i bin kwestenem Police Commissioner abaot dilei ia.