Yusum social media wetem rispek-PM Kalsakau

Ol sitizen blong Vanuatu i mas soem rispek long ol nara memba long komuniti taem oli yusum social media olsem fesbuk.

Kol ia i kam long Prime Minista, Ismael Kalsakau taem hemi lonjem Information Communication Technology (ICT) dei tete moning hemia long Port Vila.

“Taem yu yusum ol online seves olsem fesbuk, twitter, tiktok mo ol nara wan bakegen, plis givim rispek blong yu long felo citizen blong yu, ” Prime Minista Kalsakau i talem.

“Givim rispek long ol nara user. Yumi rispektem ol olfala mo ol lida long ol komuniti we yumi liv long hem. Mo yumi no yusum ol online seves ia blong spoilem pis mo rispek long komuniti, aelan, provins mo nation blong yumi.”

Prime Minista Kalsakau i mekem toktok ia mo talem se hemi hop se 2023 ICT dei bae i help ajivim ol goal blong hem long yus blong technology.